भोकरदन तालुक्यातील विविध मागण्यासाठी सामाजिक कार्यकर्ते सुरेश पाटील तळेकर यांचे आमरण उपोषण
भोकरदन (प्रतिनिधी) : भोकरदन शहरासह तालुक्यातील नागरिकांना विविध समस्याला तोंड द्यावे लागत आहे.अनेक वेळा निवेदने देऊन मागणी करून सुद्धा समस्या सुटत नसल्याने सामाजिक कार्यकर्ते सुरेश पाटील तळेकर हे भोकरदन येथील उपविभागीय कार्यालयासमोर (दि.०३) सोमवार पासून आमरण उपोषणास बसले आहे.त्यांनी पुढील मागण्या केल्या आहे. भोकरदन शहरातील नियोजित वळण रस्ता बऱ्याच दिवसापासुन शेतकऱ्यांना नोटीस देवुन आजपर्यंत कोणतीही कार्यवाही त्यावर करण्यात आलेली नाही. भोकरदन-सिल्लोड वळण रस्ता हा न झाल्यामुळे शहरातील व्यापारी व तालुक्यातील सर्व जनतेला ट्राफीक सारख्या मोठ्या गंभीर समस्येला सामोरे जावे लागत आहे. वळण रस्ता तात्काळ मार्गी लावण्यात यावा. २०१९ पासुन प्रलंबित असलेले संजय गांधी निराधार योजना श्रावण बाळा योजना, दिव्यांग कल्याण योजना यांचे प्रंलबित असलेले प्रकरणे तात्काळ निकाली काढणे. मागील २-३ वर्षापासुन पं.स. अंतर्गत भोकरदन तालुक्यातील सर्व घरकुल योजनेत झालेल्या भ्रष्ट्राचाराची चौकशी करून दोषी अधिकाऱ्यांवर तात्काळ कार्यवाही करावे. ज्या लाभार्थ्यांनी घरे बांधकाम केले त्यांनी अधिकाऱ्यांना पैसे देण्यास नाकार दिला म्हणून त्यांचे चेक आजपर्यंत प्रलबित ठेवण्यात आले. तालुक्यातील बऱ्याच गावात लाभार्थ्यांनी घरच बांधले नाही तरीही संबधित अधिकाऱ्याने पैसे घेवून त्यांच्या खात्यात सर्व धनादेश पास केले.