छत्रपती संभाजीनगर
पुणे
मुंबई
ग्रामपंचायत पाहेगाव तर्फे दिव्यांगाना किराणा किट वाटप.
ग्रामपंचायत पाहेगाव तर्फे दिव्यांगाना किराणा किट वाटप.
जालना (प्रतिनिधी)
जालना तालुक्यातील पाहेगाव येथील ग्रामपंचायत यांच्यातर्फे गावातील सर्व दिव्यांगांना दिवाळीनिमित्त किराणा किट वाटप करण्यात आली. या किराणा किट मुळे दिव्यांगाची दिवाळी आनंदात साजरी होणार आहे. या कार्यक्रमास गावचे सरपंच राजाभाऊ चव्हाण ग्रामसेवक तिडके साहेब राशन दुकानदार बबन चव्हाण सुरेश चव्हाण श्याम चव्हाण उपसरपंच ग्रामपंचायत सदस्य ग्रामपंचायत कर्मचारी प्रेमसिंग चव्हाण पोलीस पाटील गावातील प्रतिष्ठित नागरिक व महिला मंडळ उपस्थित होते.
परभणी
युट्यूबच्या माध्यमातून लक्ष्मीपूजनाचा अभिनव उपक्रम; दोन हजारांहून अधिक कुटुंबांचा सहभाग
युट्यूबच्या माध्यमातून लक्ष्मीपूजनाचा अभिनव उपक्रम; दोन हजारांहून अधिक कुटुंबांचा सहभाग
जनार्दन चव्हाण/विंचूर
विंचूर (ता. निफाड) – आधुनिक तंत्रज्ञान आणि अध्यात्म यांचा सुंदर संगम घडवत विंचूरचे प्रसिद्ध कृष्णा गुरूजी जोशी यांनी युट्यूबच्या माध्यमातून लक्ष्मीपूजनाचा ऑनलाइन उपक्रम राबविला. गुरूजींनी त्यांच्या युट्यूब चॅनलवर लक्ष्मीपूजनाचा सविस्तर मार्गदर्शक व्हिडिओ अपलोड केला. या व्हिडिओला परिसरातून उत्स्फूर्त प्रतिसाद मिळत जवळपास दोन हजारांहून अधिक कुटुंबांनी तो पाहत पारंपरिक विधीपूर्वक लक्ष्मीपूजन केले.
धनत्रयोदशीपासूनच या उपक्रमाचा लाभ सर्वांना मिळावा, यासाठी गुरूजींनी गावात सुमारे १,००० पत्रके वाटप करून पूजा विधी, साहित्य, मुहूर्त, मंत्रोच्चार याबाबत माहितीजनजागृती केली. त्यामुळे अनेकांना योग्य मार्गदर्शन मिळाले आणि पूजन विधी एकाच स्वरूपात, शास्त्रोक्त पद्धतीने पार पडला.
अध्यात्मिक जाण वाढत असताना भक्तजनांमध्ये योग्य मार्गदर्शनाची गरज लक्षात घेऊन हा उपक्रम राबविल्याचे गुरूजींनी सांगितले. “सध्याच्या डिजिटल युगात घरोघरी जाऊन मार्गदर्शन करणे शक्य नसते; म्हणून युट्यूबद्वारे सर्वांपर्यंत पोहोचण्याचा मार्ग निवडला,” असे गुरूजी म्हणाले.
गेल्या अनेक वर्षांपासून गावात अशाप्रकारचा अभिनव धार्मिक डिजिटल उपक्रम प्रथमच राबविण्यात आला, त्यामुळे श्रद्धाळूंकडून या उपक्रमाचे भरभरून कौतुक होत आहे. विशेषतः कामानिमित्त बाहेर राहणाऱ्या कुटुंबीयांनाही या व्हिडिओमुळे घरबसल्या सविस्तर मार्गदर्शन मिळाले.
स्थानिक नागरिकांनी याला “संस्कृती आणि तंत्रज्ञानाचा आदर्श मेळ” असे संबोधले आहे. आगामी दिवसांतही विविध सण–उत्सवांसाठी असे व्हिडिओ मार्गदर्शन उपलब्ध करून द्यावे, अशी मागणी नागरिकांकडून होत आहे.
