जालना(प्रतिनिधी)
जालना तालुक्यातील रामनगर सर्कल मधून साळेगाव घारे येथील शिवसेनेचे कार्यकर्ते संदिप घारे हे शिवसेना शिंदेगटाकडून संधी मिळाल्यास जिल्हा परिषद निवडणुकीच्या नक्कीच रिंगणात उतरणार आहे.असा ठाम विश्वास जालना मतदार संघाचे आमदार अर्जुनराव खोतकर यांचे निकटवर्तीय शिवसेनेचे कार्यकर्ते संदिप घारे यांनी व्यक्त केला आहे.स्थानिक स्वराज्य संस्थांच्या निवडणुका निकट आल्या असताना विविध सर्कलमध्ये राजकीय हालचालींना वेग आला आहे. त्यातच संदिप घारे यांनी रामनगर सर्कलमधून शिवसेना शिंदेगट तिकिटावर निवडणूक लढण्याचा निर्धार केला आहे. रामनगर सर्कल मध्ये त्याचा मोठा जनसंपर्क आहे.स्थानिक प्रश्न, विकास आणि पक्षाच्या विचारधारेवर आधारित काम करून शिवसेनेचा भगवा रामनगर सर्कलवर फडकवण्याचा निर्धार करण्यात आल्याचे संदिप घारे यांनी सांगितले.शिवसेना शिंदे गटाच्या आणि सामाजिक काम गेल्या भरपूर वर्षापासून करत असून तळागाळातील लोकापर्यंत मी संपर्क साधला असून निष्ठेने काम केलेले आहे.येणाऱ्या जिल्हा परिषद निवडणुकीत पक्षांनी माझा विचार करावा संधी दिल्यास जिल्हा परिषद निवडणूक लढविणार असल्याचे संदिप घारे यांनी सांगितले.