अवकाळी पावसाचा कहर — निफाड-विंचूर परिसरातील द्राक्ष बागा संकटात!
जनार्दन चव्हाण / निफाड प्रतिनिधी
निफाड :-विंचूर व निफाड तालुक्यात शनिवारी संध्याकाळी सात वाजल्यापासून रविवारी पहाटे पाच वाजेपर्यंत अखंड मुसळधार पाऊस झाला. नदी-नाले तुडुंब भरले असून अनेक ठिकाणी रस्त्यावर पाणी साचले आहे. विंचूर, डोंगरगाव, मरोळगोई, गोंदेगाव, गोळेगाव, मानोरी,लासलगाव, व खेडलेझुंगे परिसरातील नागरिक या पावसामुळे अडचणीत आले आहेत. काही भागात वाहतूक विस्कळीत झाली
या अवकाळी पावसाचा फटका विशेषतः द्राक्ष बागांवर बसला आहे. काही बागांमध्ये यंदा हवामानातील अनियमिततेमुळे गर्भधारणा झाल्याने घड आलेले नाहीत, तर किरकोळ प्रमाणात फुलोरा अवस्थेत आलेल्या बागांवर पावसाने मोठे नुकसान केले आहे. शेतकऱ्यांचे वर्षभराचे कष्ट पाण्यात गेले असून वेलींना कुज येण्याचा धोका निर्माण झाला आहे.